ວັດລາວໃນຣາຊອານາຈັກໄທ

ປະຫວັດຄວາມເປັນມາວັດພັນທະຄີຣີ
      
        ວັດພັນທະຄີຣີນີ້ໄດ້ຕັ້ງຢູ່ທີ່ບ້ານແສນພັນ ເຂດແສນພັນ ເມືອງທາດພະນົມ ແຂວງນະຄອນພະນົມ
ບ້ານແສນພັນນີ້ ຕັ້ງຂຶ້ນເມື່ອປະມານ ໑໗໐ ປີມາແລ້ວ ຜູ້ທີ່ກໍ່ຕັ້ງບ້ານນີ້ຂື້ນຊື່ພໍ່ສາຍ ອົບພະຍົບມາຈາກເມືອງວັງອ່າງຄຳ ປະເທດສາທາລະນະລັດປະຊາທີ່ປະໄຕປະຊາຊົນລາວ ມາຕັ້ງທີ່ບໍລິເວນດົງແສນພັນ ຮິມແມ່ນ້ຳຂອງຝັ່ງຊາຍເປັນແດນດິນທີ່ອຸດົມສົມບູນ ໂດຍຕັ້ງຊື່ບ້ານວ່າ ບ້ານດົງແສນພັນ ຄຳວ່າດົງແສນພັນເປັນເຄືອຊະນິດໜຶ່ງ ປັດຈຸບັນມີໃຫ້ເຫັນທີ່ວັດພັນທະຄີຣີ ກຳນັນຄົນທຳອິດຊື່ວ່າ ຫຼວງປັດຊະຍາ ຄົນທີ່ສາມຊື່ວ່າ ທ່ານສອນ ນາກຄະພົງ ປ່ຽນຊື່ບ້ານດົງແສນພັນວ່າ ແສນພັນເປັນບ້ານແສນພັນ ເຂດແສນພັນ ເມືອງທາດພະນົມ ແຂວງນະຄອນພະນົມ ມາຈົນເຖິງປັດຈຸບັນນີ້.

        ວັດພັນທະຄີຣີ ເປັນວັດໜຶ່ງທີ່ມີພຣະພິກສຸສາມເນນລາວຫຼາຍທີ່ສຸດໃນເຂດເມືອງທາດພະນົມ ແລະມີເຈົ້າອະທິການວັດເປັນຄົນລາວ ພຣະພິກສຸສາມເນນທີ່ຢູ່ໃນວັດນີ້ມີຈຳນວນ ໑໘ ຣູບ ແລະກໍ່ເປັບນັກຮຽນນັກສຶກສາ
        ຊາວບ້ານໃນບ້ານນີ້ໃຫ້ຄວາມສະໜັບສະໜຸນອຸ້ມຊູພຣະເນນໃນວັດນີ້ປຽບເໝືອນລູກຕົວເອງ